Kapuso Network Lupang Hinirang video sa Linggo

MAMARKAHAN ng GMA Network ang isa na namang histo­ric landmark sa Philippine television sa pag­lulunsad ng cinema­tic version ng pambansang awit ng Pilipinas - Lupang Hinirang – na kinatatampukan ng mga bigating Kapuso stars.


Ang bagong bersyong panteatro ay nagsa­salaysay ng Phi­lippine history sa pamamagitan ng sunud-­sunod na ininga­tan at mapagbigay-diwang pagsasadula ng mga pangyayari mula sa tagum­pay ni Lapu-Lapu laban sa mga kawal ni Magellan sa Battle of Mactan hanggang sa mapayapang pag-aalsa ng mga Pilipino para sa demokrasya sa 1986 People Power Revolution sa EDSA.


Sa cinematic version, na nagmula sa mas pinatibay na samahan ng GMA Network at SM Cinemas, sinusulong ang pagsasalaysay ng Philippine history mula sa pamantayan ng mga unang bersyon na nasahimpapawid.


Ayon kay Direk Paul Ticzon, dumaan ang production team sa halos 10 buwan ng mapanuring pananaliksik at paghahanda para sa shoot ng mga vignette.


“This two-and-a-half-minute version is something that all Fi­lipinos could be very proud of. It strengthens one’s nationalism when viewed,” ani Ticzon.


Nabuo ang proyekto sa pagsangguni sa National Historical Commission of the Philippines, na kumilala sa pagsisikap ng Network na bigyang diin ang nasyonalismo ng mga Pilipino.


Ang Kapuso visual adaptation ng Lupang Hinirang ay may mga vig­nette ng pangyaya­ring nagbunga ng historical impact.


“Our version has an educational component. It reminds Filipinos to relearn history in a very cinematic way,” sabi ni Associate Creative Director Dong Tan.


Ang mga Kapuso stars na gumanap bilang Philippine historical icons (in alphabetical order) ay sina Aljur Abre­nica, Arthur Solinap, Marvin Agustin, Victor Aliwalas, Alvin Aragon, Bea Binene, Iza Calzado, Bodie Cruz, Dingdong Dantes, Gabby at Geoff Eigenmann, Mark Anthony Fernandez, Carlo Gonzalez, Carl Guevarra, Richard Gutierrez, Dion Ignacio, Paolo Paraiso, Enzo Pineda, Rhian Ramos, Marian Rivera, Mike Tan, JC Tiuseco, Dennis Trillo, at TJ Trinidad.


Kasama rin sa ID sina Ogie Alcasid, Heart Evangelista, Eddie Garcia, Jaya, Zoren Legaspi, German Moreno, Regine Velasquez, Carmina Villaroel, Jillian Ward; pati na ang News and Public Affairs’ pillars na sina Arnold Clavio, Mike Enriquez, Vicky Morales, Howie Severino, Jessica Soho, and Mel Tiangco.


Kinunan gamit ang high-definition (HD) di­gital video technology, ang national anthem ay nakatakdang ipalabas sa big screens ng SM sa buong bansa. Bahagi rin ito ng sign-on at sign-off ng GMA.


Nagpahayag ng excitement ang SM hinggil sa paglulunsad ng visual accompaniment ng century-old national anthem.


“With our partnership with GMA, we will be able to show the anthem in a different way. Before we just had audio, now we have a full production with GMA,” ani Assistant Vice President for SM Cinemas Allan Florendo.


Ang kilalang film at television director na si Mark Reyes ang bumuo ng konsepto para sa historical production ng GMA.


Binubuo ang GMA project team nina multi-awarded cinematographer Ding Achacoso (Director of Photography), Paul Ticzon (Director), Vince Gealogo (Co-Director), Ingrid Navarro (Producer) and cameramen Hanniel Aguilar, Javier Delgado at Paul Arrojado.


Ang kampanya ay ginawang malikhain ng GMA Program Support Department na kinabibi­langan nina Regie Bautista (Vice President), Dong Tan (Associate Creative Director), Alex Almario (Copy Specia­list), Dennis Tiu (Art Director), Hasmin Marable (Senior Project Manager), at Minette Lopez (Project Manager).


Panoorin ang Phi­lippine TV premiere Kapuso cinematic version ng national anthem nga­yong Linggo, August 22 sa Party Pilipinas.